Espainiako zaporeak

Hemen nago:
Hasiera
> Gastronomia

Gure herrialdean "mahaian esertzea" esaten denean, "zutik geratzea" edo "hobe barran jaten badugu" ere adierazten da; baina zalantzarik ez dago modu tradizionalenak eta abangoardiakoenak beti izango duela lagun gauzatxo bat Espainian: zapore bereizgarriena.

Lurra xerra batean

Has gaitezen tokian tokiko gastronomiaren ikurrarekin: ezkur-iberikoaren urdaiazpikoa. Sukaldaritza unibertsalaren lau produktu handienetako bat da (foie-gras, boilurra eta kabiarrarekin batera).

Garrantzitsua da kontuan hartzea urdaiazpikoa txerri iberikoetatik datorren, edo Alhaetan bazkatzen duten "adar iberikoetako" batekoa den –hala deitzen diote batzuk, hainbat arraza daudelako–.

Bertan larreratu eta batetik eta bestera ibiltzen dira muskulatura sendoa lortu arte. Espainian 4 Jatorri Deitura daude: Guijuelo J.D.; Jamón de Huelva J.D.; Los Pedroches J.D. eta Dehesa de Extremadura J.D.

Olibondoak eta gaztak barra-barra

Oliba olioari dagokionez, gure lurretan milioika olibondo hazten dira (munduko plantazio-azaleraren % 25 inguru), eta horiei esker urtean 700.000 eta 800.000 tona artean ekoizten da batez beste. Hori gutxi balitz, munduan oliba-olio birjina estra ekoizten duen lehenengo herrialdea gara.

Espainia, gainera, gaztaren sektorean munduko bigarren potentzia da, besteak beste, gazta hauei esker: Mantxakoa (ardi-esnez egina); Torta del Casar eta de la Serena gaztak (ardi-esnez eginak baita ere, baina bigun-bigunak); eta Cabrales gazta asturiarra, zapore bizi eta minarekin. Babestutako 27 Jatorri Deitura aurki daitezke.

Halaber, erreferentzia gara arrain eta itsaskien kontserbei dagokienez. Galizia eta Kantabria dira eskualde adierazgarrienak (hala ere, Mediterraneoko kostan eta Gibraltarko itsasartean ere egiten dira). Kontserba horiek ur eta gatzetan ontziratzen dira ("naturalean" esaten zaio); oliba-oliotan edo eskabetxean.

Edozer sartzen da kopa batean

Gaztelerazko esaerak dioenez, “con pan y vino se anda el camino” (ogi eta ardoarekin egiten da bidea). Eta Espainian, esan daiteke mahastizaintza/ardogintza kultura garrantzitsua dugula; bada, ehunka urte dituzten upeltegiak eta upeltegi berriak ere badaude, eta gaur egun bertatik datoz ardo onenetako batzuk. Ez dadila falta Albariño ardo berezia upeltegian; ezta Errioxako ardo beltzik ere (eskualdean garrantzitsuen den Tempranillo mahats-barietatearekin eginak); edo Duero Erriberako ardoak. Eta, nola ez, cavak (Espainiako ardo apardun nagusiak). Gainera, gero eta modu gehiagotan erabiltzen dira; bada, bazkari bat apardun horiek edanez soilik lagun daiteke. Ardoaren unibertso osoa gure webguneko Mundu oso bat ardoaren inguruan izeneko atalean ere deskubritu dezakezu.