Jucar eta Huecar ibaien arroilen artean dago Cuenca, eta bisitaren operazio-zentroa da. Zintzilikatutako Etxe ezagunak (orekan eraikita daude izugarrizko labarretan) edo katedrala bezalako xarmek erlojuak lekurik ez duen bisita bat aldarrikatzen dute. 

Bitxikeria gisa, katedrala estilo gotiko frantsesean eraiki zela aipatu beharra dago, Gaztelako Alfonso VIII.aren emaztea hangoa zelako. Baina arkitekturaz eta tradizioaz gain, Cuencak kultur aukera interesgarriak biltzen ditu erlaxatzeko edo familian disfrutatzeko. Izan ere, 2016. urteko Europako kultur hiriburua izateko izangaia da.

Oso hiri arkitektura bitxia     

Zintzilikatutako Etxeak  XV. mendeko hiru eraikin zibileko multzo bat dira. Duela gutxi zaharberrituta eta Huecar ibaiaren Arroilaren ondoan kokatuta, hiria ospetsu bilakatu dute mundu osoan. San Pablo zubi zoragarritik ikusten dira hobekien; 100 metroko luzera du eta burdinarekin eraiki zen 1902. urtean. Behealdean, paradorea aurkitzen da, santu berari eskainitako komentu dominikar zaharra. 

Klaustroa kristalezko sabai batekin estali da eta kapera gaur egun bikotearekin edo familiarekin gozatzeko kafetegi orijinal bat da. Horrez gain, berezia da baita ere Espainiako Arte Abstraktuaren Museoa, Estatuko arte garaikidearen bilduma hoberenetarikoa, Zintzilikatutako Etxeetako baten barruan erakusgai dagoena. Bertan Millares edo Tàpies-en lanak nabarmentzen dira. Iraila eta ekaina bitartean, Juan March Fundazioak arte ikastaroak eta hitzaldiak antolatzen ditu bertan. 

Hiri bat kristau, arabiar eta judutar historiarekin  

Zintzilikatutako Etxeen atzean, Cuencako judutegirako bisita Plaza Nagusian hasten da eta plaza aurreraino jarraitzen du. Bertan, desagertutako alkazar arabiarra hasten zen. Gaur, ordea, Convento de las Blancas komentua aurkituko dugu. Albo batean dauden eskailerek Merced plazara daramate, hau da, zapatadun mesedeetako egoitza zaharrera. Bertan, interes handiko lekuak bisitatu ahal izango ditugu, eliza edo  izen bereko komentua, besteak beste. Zapaterías kaleak, Alfonso VIII a eta Santa Catalina kaleetaraino iristean, pasabidea ixten du. Horren alboan, Santa Cruz elizan, bertako artisautzako erakusketa iraunkorra dago.

Museo zientifiko bat alde zaharrean  

XVIII. eta XIX. mendeko eraikinen multzo batean, erdi aroko hondakinetan oinarrituta eta judutegitik oso gertu, Gaztela Mantxako Zientzien Museoak kosmosaren misterioetara gerturatuko gaitu. Bertako planetarioa ezinbesteko bisita bat da familiartean bidaiatzen badugu. Museoko jardueretako batzuk, Eguzki Erlojuei buruz duela gutxi antolatutako Nazioarteko Batzordea esaterako, oso garrantzitsuak izan dira hirian. Horixe da Taiyo plazako  erlojuaren  kasua, okasio horretarako espresuki eraikita. 6,72 metroko orratza eta zazpiehun metro karratutik gorako azalera du, eta munduko handiena da.

Hondo oihala, maitagarrien ipuin baterako  

Cuencatik hamazazpi kilometrora, Valdecabrasen, Hiri Sorgindua ezinbesteko txango osagarria da. Interes Nazionaleko Natur Lekua da, Cuencako mendilerroan bertan kokatua. “Hiri” hau milaka urtetan higatu diren karedun harkaitz multzo batek osatuta dago. Urak, haizeak eta izotzak harkaitza zizelkatu dute eta itxura plastiko izugarriak eta miresgarriak sortu dituzte. Gidatutako ibilbide baten bidez, askotariko formazioak ezagutu daitezke, animalien eta objektuen izenekin batailatuta. Goi Tornua bertako sinboloa da. 

Iradokizun gastronomikoak  

Ajoarrieroa eta morterueloa Cuencako sukaldaritzako plater tradizionaletako bi dira. Lehenengoa almendrekin eta baratxuriarekin egiten da, bigarrena, berriz, txerri gibela, espeziak eta ogi birrindua daramatzan gisatu bat da, motrailuz txikituta. Jaki horiek eta ibaiko karramarroez egindako beste batzuk izen handiko hainbat jatetxetan aurki ditzakegu, hauetan esaterako: Mesón Casas Colgadas (Repsol gidaliburuak gomendatuta) (Canónigos z/g, telefonoa: 969 223 509), eraikin ezagunetariko batean dago, eta Figón del Huécar (Ronda Julián Romero 6. Telefonoa: 969 240 062), Repsoleko Eguzki batekin izan zen saritua eta José Luis Perales abeslariaren etxea izan zen.

  
Eskerrak: Gaztela Mantxako Turismo Sustapenaren Erakundeari. Cuencako Paradoreari.