Repsol
Inicio
|
Contacto
|
Usuarios Rexistrados

Ceas orixinais

¿Imaxinas gozar dunha cea cos ollos vendados? Non só custa traballo encontrar a copa sen derramar o viño senón que provoca certa inquietude non saber que imos saborear. A idea de tapar os ollos aos comensais xorde pola idea de que a falta de visión agudiza o resto dos sentidos e, polo tanto, apreciamos os sabores con máis intensidade.

Unha cea ás cegas, Bodysushi, comer nunha tenda de decoración ou nun mercado, ou descansar despois dunha excelente comida son algunhas das novas propostas dos restauradores, e aínda que a maioría das ideas son importadas trátase dunha marabillosa oportunidade para gozar de novas experiencias gastronómicas e sensoriais.

Cos ollos vendados

As chamadas "ceas ás cegas" son experimentos que poñen en práctica certos restaurantes en períodos concretos, os hoteis Palace de Madrid e María Cristina de San Sebastián levaron a cabo esta experiencia igual que o restaurante El Milano Real de Hoyos del Espino. 

O pasado fin de semana o xardín do Teatro Romano de Mérida viviu unha experiencia similar xa que as cociñeiras Carolina Sciolla e Sole Ortega da estremeña Taberna de Sole, ofreceron unha "cea ás cegas" na que os comensais degustaron os dez pratos do menú cos ollos tapados cun anteface.

Sushi sobre o corpo

Restaurante Asiana

E para probar sensacións novas podemos gozar dun excelente sushi nalgún dos mellores restaurantes xaponeses do país. Pero para mellorar a gastronomía tradicional creouse bodysushi Zenart e Asako son dous restaurantes xaponeses de Málaga que adoptaron esta práctica na que se substitúe o prato polo corpo nu, xeralmente dunha muller e emprégase a xeito de bandexa da que degustar directamente as pezas de sushi.

Hai 5 anos Jaime Renedo abriu o restaurante Asiana que durante o día é unha tenda de decoración e, pola noite, as súas 7 mesas permiten degustar a cociña asiática entre antigüidades. Grazas a este novo concepto culinario, Jaime Renedo fíxose un nome no panorama gastronómico. Aproveitando o bo momento, abriu o seu segundo restaurante, 'Asiana Nextdoor' concibido para xantares, ceas, tapeo exótico e mesmo tomar un cóctel.

Unha sesta despois de comer

Restaurante Laydown en Valencia

Se es dos que adora botar unha sesta despois de comer, Laydown é o teu restaurante en Madrid. Situado na praza dos Mostenses e recentemente inaugurado no novo Mercado de Fuencarral de Valencia, Laydown ofrece a posibilidade de cear tombado na cama, aínda que tamén podes gozar só dunha copa ou un estupendo cóctel, un espectáculo, unha instalación ou unha performance. No restaurante de 400 metros cadrados domina a cor branca que cobre as paredes, os colchóns e os almofadóns. A súa carta é variada e abrangue pratos de cociña mediterránea así como pratos de cociña internacional.

O renacido Mercado de San Miguel

O reinaugurado Mercado de San Miguel en Madrid é un lugar histórico e monumental situado no corazón do Madrid castizo. O seu edificio está declarado Ben de Interese Cultural, é unha estrutura de ferro e un remate de cerámica. O Mercado de San Miguel pretende chegar a ser un centro de cultura culinaria, un lugar onde ademais de facer a compra se poida participar en actividades, degustar o que se vai comprar, comer nun dos seus bares ou restaurantes, ou ben comprar un libro de receitas ou utensilios de cociña nunha das súas tendas.

Para coidarse por dentro e por fóra

Eco Bar & Spa representa un novo concepto único en Madrid. Un restaurante multicultural e de cociña creativa cunha completa tenda de produtos gastronómicos naturais e unha ampla zona de Spa pensada para o relax, a saúde e innovadores tratamentos de beleza, corporais e faciais de última xeración. Situado fronte ao Parque do Oeste dispón dunha agradable terraza en verán. O seu restaurante ofrece pratos que combinan as cociñas vexetariana, nórdica, mediterránea e xaponesa

ENDEREZOS

HOTEL PALACE
Plaza de las Cortes, 7. 28014 Madrid. Tel.: 913 608 000.

HOTEL MARÍA CRISTINA
Paseo Republica Argentina, 4. 20004 San Sebastián E-20004. Tel.: 943 437 600. 

ZENART
Calle del Mundo Nuevo, 3. 29012 Málaga. Tel.: 952 060 079. 

ASAKO
Calle Carretería, 96. 29008 Málaga. Tel.: 952 214 060.

ASIANA (Galardoado cun Sol Repsol)
Travesía de San Mateo, 4. 28004 Madrid. Tel.: 913 104 020. 

LAYDOWN VALENCIA
Avenida de Tirso de Molina, 16. 46015 Valencia. Tel.: 963 487 077. 

LAYDOWN MADRID
Plaza de los Mostenses, 9. 28015 Madrid. Tel.: 915 487 937. Web: 

MERCADO DE SAN MIGUEL
Pza. San Miguel, 1. 28005 Madrid.

ECOBAR Y SPA
Paseo Pintor Rosales 76, 28008 Madrid. Tel.: 915 441 716.